नागेन्द्रहाराय त्रिलोचनाय
भस्माङ्गरागाय महेश्वराय ।
नित्याय शुद्धाय दिगम्बराय
तस्मै नकाराय नमः शिवाय।।
मन्दाकिनीसलिलचन्दनचर्चिताय
नन्दीश्वर प्रमथनाथ महेश्वराय।
मन्दारपुष्पबहुपुष्प सुपूजिताय
तस्मै मकाराय नमः शिवाय।।
शिवाय गौरीवदनाब्जवृंद
सूर्याय दक्षाध्वरनाशकाय।
श्रीनीलकण्ठाय वृषध्वजाय
तस्मै शिकाराय नमः शिवाय।।
वशिष्ठकुम्भोद्भवगौतमार्यमुनि-
इंद्रदेवार्चित शेखराय।
चन्द्रार्कवैश्वानरलोचनाय
तस्मै वकाराय नमः शिवाय।।
यज्ञस्वरूपाय जटाधराय
पिनाकहस्ताय सनाथनाय।
दिव्याय देवाय दिगम्बराय
तस्मै यकाराय नमः शिवाय।।
